又話想買條新裙仔，去旅行要著靚靚。

到咗機場，佢好安靜。

上到機，成程望住個窗，一句說話都冇。

我問佢點呀？開唔開心？

佢過咗一陣先細細聲講句：

「原來天空係咁㗎。」

但我好希望，佢會記得，

曾經喺佢讀幼稚園嘅某一年，

搭過一次飛機，

睇過天上面嘅雲。

可能係好微細嘅記憶，

但希望嗰一刻，畀過佢一種感覺：

原來世界好大。

每個小朋友都唔一樣，有啲好黐身，有啲一聲唔響就走咗。

而每一次離別，都會有少少唔捨得。

但我哋一直都相信，就算只係照顧一段時間，

都可以為佢人生某一段，留下一點點亮光。

就算最後唔記得我哋，

都記得，佢曾經坐過呢一次飛機，

見過天上面嘅雲。