創辦於2015年的 Travel MaMa 蜜蜜遊 ，我地係一間非常佛系嘅本地OTA (Online Travel Agency)，我哋唔會努力推銷客人，更注重產品質量，而唔係追求低價。因為我哋相信緣份到嘅時候，你自然會選擇我哋嘅服務。佛系唔代表懶散，而係以平和同自然嘅方式去應對市場競爭。對我哋嚟講，最重要嘅係雙方都開心滿意：你享受到理想嘅旅程，而我哋亦從中得到工作嘅快樂。當中我地最重要嘅合作夥伴包括有 HIS, Miki Travel, DDMC, Tour America LLC, CityLine。
利申，Travel MaMa 蜜蜜遊只係一間香港人開嘅旅行社，呢度唔大，正宗係小貓幾隻，因此我地只可以好專心咁做好一兩件小事，希望每一位幫襯過嘅客人都感受到我地嘅努力。我地當然知道你係可以有其他選擇嘅，因此多謝你相信並支持小店！
讓我們言歸正傳，創立MaMa，一直是抱著理想與初衷去面對工作時間超長，每日不斷地改善流程和系統，就只因為有股超乎現實的執著伴隨著喜悅，推動我們毫不疲累地向前走。我知道，MaMa不會成為大品牌，反正沒有這種條件，但願我們能一直向著比較有性格的小品牌目標前進。縱然每天幾乎沉浸在某一件產品上十幾個小時，早就沒有了Work-life balance這種美事。但我一直相信，只要找到屬於自己的領域，其實都可以好好享受 Life 和 Work 無法分開的世界。
If you can understand English only, sorry🤣.
感謝您造訪我們的頁面！能夠找到這裡，足見您的用心。喺呢個凡事追求快嘅年代，我哋選擇咗一份需要喺繁瑣細節中尋找樂趣嘅工作。我們的團隊規模雖小，卻充滿實力。雖然約七成的時間都沉浸喺庶務與行政工作之中，但正正係呢份對「平凡事」嘅執著，先至能夠喺繁忙中激發靈光，將日常瑣事化為一篇篇生動有趣嘅旅程故事。
如果你想親臨小店同我哋坐低傾、面對面規劃你嘅專屬小包團，為免大家山長水遠嚟到請食「白果」，請務必提早至少一至兩天聯絡我哋預約時間，等我哋可以留喺度全神貫注為你打點。線上見，或者，約定你舖頭見！
假使世界原來不像你預期，或者純粹想搵我哋「漫無目的 Trash Talk」
隨時留低幾隻字，再覆你。
