馬爾他攻略：7日6夜私人小包團 Malta Private Tour
如果歐洲係一本書，英法意德係大家都讀過嘅必修課，咁馬爾他（Malta）肯定係夾喺書頁中間，最令人驚艷嗰張隱藏書籤。
呢個位於地中海中心嘅微型島國，一直係歐洲人私藏嘅度假後花園。佢有西西里島嘅熱情，又有英式文化嘅優雅（畢竟曾是英國殖民地，右軚駕駛，英文通用）。但最令人難以抗拒嘅，係嗰種專屬嘅「馬爾他藍」——海水清澈到好似玻璃咁，船隻彷彿懸浮喺半空。加上佢係《權力遊戲》（Game of Thrones）、《特洛伊》等史詩電影嘅御用取景地，行喺古城區，真係會有一種穿越時空嘅錯覺。
不過，Travel Mama 都要講句真心話：馬爾他雖美，但自由行真係有門檻。
雖然佢細，但景點散落，公共交通主要靠巴士，班次疏落之餘，夏天等車嗰種曝曬法真係會令人懷疑人生。自駕遊？路面極窄、多彎多斜路，搵車位更係噩夢。所以，我哋精心設計咗呢個【馬爾他 7日6夜小包團】，用最舒適嘅私人專車接送解決交通痛點，等你真正可以優雅地享受地中海式嘅 Lazy Holiday。
有一種藍叫「馬爾他藍」：藍洞與七色漁村
行程嘅第一大亮點，一定係水。馬爾他嘅海唔係普通嘅藍，係一種識發光嘅藍。我哋會安排大家去南部嘅藍洞（Blue Grotto），呢度係大自然嘅鬼斧神工。當你坐住傳統小船穿過巨大的天然海蝕拱門，陽光折射落海底嘅白沙，成個洞穴嘅水面會呈現出夢幻嘅螢光寶石藍，靚到好似加咗 Filter 咁，係相機點影都影唔出嘅震撼。
睇完海，就要去附近嘅小漁村 Marsaxlokk 接地氣。呢度係馬爾他色彩最豐富嘅地方，海面上泊滿咗幾百隻傳統漁船「Luzzu」。你會發現船頭都畫有一對「荷魯斯之眼」（Eye of Horus），相傳係用嚟保佑漁民出海平安。強烈建議大家喺海邊嘅露天餐廳，叫一份即日捉上嚟嘅烤魚或者海鮮意粉，望住個海歎 Lunch，呢種先係真正嘅地中海生活。
權力遊戲朝聖地：現實版「君臨城」Mdina
如果你係《權力遊戲》嘅 Fans，來到 Mdina（姆迪納） 絕對會尖叫。呢座被稱為「靜謐之城」（Silent City）嘅中世紀古城，正正係第一季「君臨城」（King’s Landing）嘅取景地。
Mdina 曾經係馬爾他嘅首都，住嘅都係貴族。城牆之內，幾乎無車行駛，只有馬蹄聲同風聲。你可以喺蜿蜒嘅蜜糖色巷弄迷路，每一個轉角都係風景。行上古城牆嘅展望台，更加可以360度俯瞰成個島嶼嘅全景。相比起首都 Valletta 嘅熱鬧，Mdina 有一種高冷、神秘嘅氣質，非常適合慢慢行、慢慢影。
被遺忘的時光：Gozo 島與史前巨石文明
好多自由行旅客因為怕轉車轉船麻煩，往往會 Skip 咗第二大島 戈佐島（Gozo），咁就真係走寶。Gozo 嘅生活節奏比主島更慢，保留咗馬爾他最原始、最淳樸嘅一面。
我哋個團包車包船，直接帶你過海。除咗睇風景，重點係參觀 Ggantija 巨石神殿。你可能唔知，呢堆巨石比埃及金字塔仲要古老！喺幾千年前無機械嘅情況下，人類點樣搬運呢啲幾十噸重嘅石頭？至今仍然係個謎。身處其中，你會感受到人類文明嘅渺小同偉大。
住宿哲學：住得好，先玩得好
去海島旅行，最忌日日執行李搬酒店。我哋特意安排足 6 晚連泊 St. Julians 嘅 4 星級酒店。點解揀呢度？因為 St. Julians 係全島氣氛最好嘅海濱度假區。
呢度有靚絕嘅 Spinola Bay，沿住海濱長廊都係高質素嘅餐廳同酒吧。玩完一日返嚟，你可以隨意落樓下飲杯 Cocktail，吹住海風食晚餐，完全唔使擔心交通問題。相比起住喺舊城區（車入唔到、要拖喼行石板路），住喺 St. Julians 係更加現代化同舒適嘅選擇。
📋 馬爾他小包團：詳細行程與費用
以下係我哋為追求質素嘅家庭同朋友設計嘅參考行程。只需 4 人即可成行，專車專導，時間彈性，唔使同陌生人夾團。
馬爾他唔係嗰種要趕景點嘅地方，佢適合放慢腳步，用眼去睇嗰種藍，用心去感受嗰份歷史。如果你想避開人潮，享受一個有質素、有專人照顧嘅假期，呢個團絕對係你嘅首選。
| 出發/返回地點 | Valletta, Malta |
|---|---|
| 費用包含 |
|
| 費用不包含 |
|