日本旅遊 • 專屬小包團及自由行推介
重新定義「返鄉下」之旅
去日本，唔一定要日日逼 JR 或者瘋狂行藥妝店。由關西嘅古都風情、北海道嘅粉雪秘境，到九州嘅絕景溫泉，Travel Mama 為你重新規劃日本專屬小包團及精選自由行。無論係想入住一泊二食嘅高級旅館，定係由在地司機帶路尋找地道美食，我哋帶你避開人潮，用最奢華舒適嘅方式，重新感受真正嘅日本職人精神與絕美風景。
MAMA 嚴選 ‧ 返鄉下專屬體驗
深度探索日本的四季之美與匠人精神。
TRAVEL MAMA 日本私藏 TIPS
🛂 Visit Japan Web 快速通關
出發前強烈建議預先喺網上填好 Visit Japan Web (VJW) 嘅入境及海關申報，Cap 定個 QR Code 喺手機，去到機場就可以極速過關，唔使排隊填紙仔！
💴 電子支付 vs 現金
雖然日本好多商場同便利店都接受 Apple Pay (Suica) 或信用卡，但如果去啲傳統市場、神社會或者搭鄉郊巴士，現金仍然係必備！建議準備足夠嘅日圓散紙旁身。
♨️ 泡湯基本禮儀
入溫泉池前必須先沖涼洗淨身體，毛巾絕對唔可以放入池水入面（通常放頭頂或池邊）。另外，大部分傳統公共溫泉都拒絕有紋身嘅客人進入，如果有紋身建議預訂附有私人風呂嘅房間。
🗑️ 街上極少垃圾桶
日本街頭係好少有垃圾桶嘅，除咗便利店門口或自動售賣機旁邊（只收吉樽）。建議大家隨身帶備一個細膠袋裝垃圾，帶返酒店先掉，同埋記得要做好垃圾分類！
🔌 準備兩腳扁型轉插
日本嘅電壓係 100V，插頭係「兩腳扁型」（Type A）。香港嘅三腳插頭係用唔到嘅，記得帶定轉插器。如果你嘅電器唔支援 100-240V 全球電壓，仲需要帶埋變壓器。
🚗 包車避開滿員電車
日本上下班繁忙時間嘅電車出名逼到癲。如果帶住長者或者小朋友同行，強烈建議選擇我哋嘅專屬包車服務，舒舒服服點對點直達景點，慳返體力去玩！
