Morocco Travel • 摩洛哥旅遊攻略
重新定義摩洛哥之旅
去摩洛哥，絕對唔係為咗坐車捱苦。由馬拉喀什嘅千年繁華、舍夫沙萬嘅夢幻童話藍，到撒哈拉沙漠嘅浩瀚星空，Travel Mama 為你重新規劃摩洛哥專屬小包團。踢走大路走馬看花嘅行程，我哋會安排私人越野車直入沙漠腹地、入住奢華帳篷，帶你以最舒適尊貴嘅方式，掀開北非後花園嘅神秘面紗。
MAMA 嚴選 ‧ 北非專屬體驗
拒絕走馬看花，帶你深度探索摩洛哥的浪漫與神秘。
TRAVEL MAMA 摩洛哥私藏 TIPS
🛂 護照免簽證超方便
好消息！持有 香港特區護照、BNO 或 澳門特區護照 嘅朋友，去摩洛哥旅遊都係可以享有免簽證入境待遇，準備好護照同機票就可以輕鬆出發！
📸 迷城影相潛規則
摩洛哥人比較著重私隱，喺市集見到特色檔攤或者當地人，千萬唔好直接舉機影相。如果想同弄蛇人或者賣水人合照，記得要先徵求同意，並俾少少小費當係尊重。
🧥 撒哈拉日夜溫差大
雖然係沙漠，但撒哈拉日夜溫差可以相差十幾度！日頭熱到只需著短袖，但一到夜晚睇星就會非常凍。記得帶定件擋風保暖嘅厚外套做洋蔥式穿搭。
🍺 尋找「禁酒國度」的微醺
摩洛哥係伊斯蘭國家，一般餐廳及超市都嚴禁售賣酒精。想飲兩杯放鬆吓嘅話，我哋安排嘅國際級大型酒店或者部分持有酒牌嘅高級餐廳，就可以安全滿足你嘅微醺願望。
🚾 帶定散銀洗手間文化
喺摩洛哥去公共洗手間或者油站廁所，通常都會有清潔人員喺門口收費（大約 1-2 Dirham）。建議身上隨時袋定啲細面額嘅硬幣，以免人有三急但冇散銀嘅尷尬。
👗 尊重當地著裝禮儀
入鄉隨俗，尤其女士們建議穿著得體，盡量避免穿著過於暴露嘅背心或超短褲。帶備一條大披肩 (Scarf)，既可以喺沙漠擋風沙，入清真寺時亦可以用嚟包頭，實用又靚！