都市傳說 的起源

以前呢個傳說一般喺學校流傳，幾乎每一個頑皮嘅人都玩過。嗰陣時仲未有手提電話，屋企嘅電話仲係轉盤式嘅。傳說只要喺凌晨十二點，連續打九個「九」字，再連續打十二次，電話就可以接通地府。傳說話，誰接通咗，誰就會死亡。

關於打好多個九字接通靈界，我都有一個親身經歷。嗰陣時仲係小學嘅我，只係無聊拎起個電話玩，不斷打九個「九」字，電話就不斷咁「的的的的的的的的的….」。

奇怪嘅事就係喺「的的」聲中間，竟然夾雜住一把女聲，咁含糊咁不斷講野，但聽唔到佢講咩。我即刻收線，但好奇心驅使之下，我又再試多一次。結果都係一樣，一把女聲不斷咁唔知講乜，聽落好似傳說中嘅「鬼食泥」聲音。

係我再一次收線之後，剛剛12點，突然電話響起……我嚇咗一跳，心想會唔會真係接通咗地府？

我鼓起勇氣拎起個電話黎聽，只聽到一句：「呢度999報案中心，小朋友你唔好再玩電話….」。

呢個都市傳說雖然聽落有啲驚悚，但其實多數係小朋友間嘅無聊遊戲同幻想。聽落好似靈異經歷，實際上好多時都係巧合或者技術故障。但呢種故事就係都市傳說嘅魅力，將人嘅好奇心同幻想力完美結合。