我們為什麼成為寄養家庭？
上次講到我哋帶第六個寄養小朋友去旅行，終於成功帶佢坐第一次飛機。
「係咪本身就想幫人，想做好事？」
但老實講，其實本身個原因唔係乜偉大抱負，
反而係一個家庭討論咗好耐都未有答案嘅決定。
唔一定要自己生，我比較想係用領養嘅方式。我一直相信，親情唔係靠血緣，而係靠共同生活、
靠你日復日咁教、咁湊、咁一齊過日子。
但我太太唔係一開始就贊成。
佢猶疑咗好耐。
佢話自己唔肯定做唔做到「視如己出」，
又擔心外人點睇，
會唔會有人背後講你「唔係親生，梗係唔同」？
又或者，萬一將來發現相處唔來、出現衝突，
自己會唔會忍唔住，竟然真係想「送返去」？
（呢啲唔係假設。社工都講過，有家庭真係咁做過。）
佢話，如果真係要行呢條路，
佢唔可以抱住「試下囉」嘅心態，
因為呢條路，牽涉嘅唔係一件事，而係一個人。
「不如試下做寄養家庭先。
如果我可以做到真心咁去照顧、去對一個唔係自己生嘅小朋友好，
咁我就可以答應你，認真去考慮領養。」就係咁，我哋開始咗申請寄養家庭資格。
過程唔算簡單，要上堂、面試、評估你屋企環境，
仲有一連串既程序要過。
但一通過，第一個小朋友嚟得非常快。
係個一歲半嘅細路仔。
佢攬住我哋嗰下，我太太望住我，冇講嘢，
但我知佢內心其實好複雜。
就係咁，我哋正式開始咗成為寄養家庭嘅旅程……
每一個都唔一樣，每一個都教識我哋一啲嘢。呢個系列，我會慢慢寫落去，
想記低我哋一家人學習點樣去愛、去接受、去放手，
記低呢啲無人會幫你影低，但值得記得嘅片段。
如果有緣，你可能會一路睇住我哋嘅故事，
一路見證，點樣由一次「試下」，
慢慢變成，一種「真心對待」。
✨ Want to learn more about Travel MaMa's story?
這就是我們一直以來堅持的服務態度，用心聆聽，把每一趟旅程都當作是為朋友規劃。
If you're curious about the team behind these trips, please visit our "About Us" page to learn more about Travel MaMa's origins and philosophy:
Learn more about Travel MaMa — Who are we?
I look forward to having the opportunity to share more wonderful travel stories with you on future journeys.